Í þjónustuskoðun vefs er farið yfir lykilatriði fyrir árangursríkan vef og frammistaða metin. Ef allt er í góðu lagi og virkar vel, þá er gott að vita það. Ef eitthvað má betur fara og hægt er að bæta árangur með einföldum breytingum, þá getum við farið yfir það.
Á hverju ári átt þú að fara með bílinn þinn í skoðun. Það er til þess að tryggja að allt virki eins og til er ætlast og til að tryggja öryggi í umferðinni. Ég mæli með því að vefurinn þinn fái álíka skoðun, virkar allt eins og það á að gera og er hann eins vel staðsettur á leitarvélum og þú óskar?
Vefrýni og hraðaprófun vefs
Vefrýni eða þjónustuskoðun vefs er úttekt á virkni hans fyrir notendur og fyrir leitarvélar. Með því að rýna í virkni vefsins er hægt að móta tillögur til úrbóta og í kjölfarið ræður þú því hversu hratt verður farið í að gera breytingar til bóta.
Í hvert sinn sem notandi heimsækir vef er reynt á þolinmæði notandans. Stóra spurningin er hvort að vefurinn þinn svari notandanum í tæka tíð og geti mætt notandanum með svar sem er lausn við því sem hann leitar að. Viðbragðstími vefsins er því eitt það fyrsta sem ég skoða þegar ég framkvæmi þjónustuskoðun vefs.
Hraðaprófun er framkvæmd með því að nýta eitt af verkfærum Google, PageSpeed Insights. Niðurstöðurnar eru bæði fyrir snjallsímaútgáfu (e. Mobile) og fyrir tölvuútgáfu (e. Desktop) vefsins, því vefurinn virkar ekki eins eftir því hvort notandinn er að heimsækja hann gegnum tölvu eða síma. Veistu hvaða tæki notendurnir sem heimsækja vefinn þinn eru að nota? Það er líka ein af spurningunum sem við svörum með því að gera vefrýni á vefnum þínum.
Hvað er þjónustuskoðun vefs?
Þjónustuskoðun vefs er ástandsskoðun, ég skoða hverning vefurinn er úr garði gerður og notendaprófa hann.
- Virkar hann á öllum tækjum, tölvum, spjaldtölvum og snjallsímum?
- Hvernig eru leitarvélar að lesa vefinn og hvar raðast hann hjá leitarvélum?
- Hvaða markmið viltu að viðskiptavinir nái að uppfylla með vefnum og hvernig gengur það?
Þjónustuskoðun innifelur:
- Greining á viðskiptavinum og hegðun þeirra á vefnum
- Rýni á leitarvélabestun
- Notendaprófun
- Greining nýrra tækifæra til að eiga samskipti við viðskiptavini
Notendur vefsins eru viðskiptavinir þínir og það er mikilvægt að þú þekkir þá. Hvaðan koma þeir yfir á þinn vef, koma þeir beint inn, gegnum fyrirspurnir á leitarvélum eða tilvísanir á öðrum vefjum eða gegnum samfélagsmiðla? Hvaða tæki nota þeir til að heimsækja vefinn þinn, snjallsíma, spjaldtölvur eða tölvur? Fáðu upp svipmynd af viðskiptavinum þínum og lærðu að þekkja þá. Þekkingin á viðskiptavinum skilar sér í betra viðskiptasambandi við þá.
Hvernig virkar þetta?
Þú getur pantað þjónustuskoðun fyrir vefinn þinn með að hafa samband, senda tölvupóst á dew@webdew.is eða hringja í síma 690 1205 og óska eftir þjónustuskoðun fyrir vefinn þinn þá er það líka hægt.
Ég framkvæmi skoðunina og sendi í tölvupósti niðurstöðurnar, innifalið er listi yfir úrbætur. Þetta er ekkert ósvipað því að fara með bílinn í skoðun, þú gætir fengið 1, 2 eða fleiri athugasemdir og samt fengið skoðun. Svo ekki sé minnst á að vefurinn fljúgi í gegnum skoðun, athugasemdalaust.
Hvað gerir þú svo?
Þú getur notað niðurstöðuna til að bæta vefinn. En ef þú vilt, þá getur þú líka fengið mig til að færa til betri vegar það sem við á og við finnum út úr því á hvaða hraða þér hentar að koma vefnum í toppstand. Þá geta markaðssetning á netinu, stefnumótun samfélagsmiðla eða vefstjóri til leigu verið þjónusta sem þú kýst að nýta þér.
Hvað kostar þjónustuskoðun vefs?
Þjónustuskoðun fyrir vef kostar að lágmarki 25.000 krónur og við það bætist virðisaukaskattur. Aðra þjónustu er hægt að fá í fastri áskrift til lengri tíma.