Eldhúsgaldrar er vefur þar sem finna má fjölbreyttar uppskriftir og hugmyndir að mat sem þú getur galdrað fram í eldhúsinu þínu. Þrjú vörumerki standa saman á bak við Eldhúsgaldra, Vilko, Flóra og Prima krydd sem finna má í eldhúsum allra landsmanna.

Dögg hjá webdew.is sá um yfirhalningu á vefnum og valdi handa honum nýtt útlit. Allt efni sem fyrir var á vefnum var endurskoðað með leitarvélabestun í huga. Þá framleiddi Dögg nýtt efni, skrifaði nýjar uppskriftir, ljósmyndaði, sá um efnisinnsetningu og prófarkalestur, prófanir á virkni á öllum snjalltækjum. Og smakk. Já, fjölskyldumeðlimir voru ekki mikið að kvarta þá daga sem eldhúsið var undirlagt í ljósmyndun og efnisvinnslu fyrir Eldhúsgaldra, því þá fengu allir heimilismeðlimir eitthvað gott að borða í kjölfarið.