#Gott að lesa

2. júní 20162. júní 2016
by Dögg Matthíasdóttir

Í samvinnu við auglýsingastofuna Árnasyni vann webdew samfélagsmiðlaherferð fyrir “Þjóðarsáttmáli um læsi” (Það er gott að lesa), unnið í samstarfi við Mennta- og menningarmálaráðuneyti – þar sem markmið átaks var að efla vitund og virkni innan skólakerfis til að bæta læsi á landsvísu.

Gerður var texti við þekkt lag sem dreift var inn á grunnskóla í gegnum samfélagsmiðla og fékk myndbandið meira en 13 þúsund áhorf á meðan herferðin var keyrð.

Í verkefninu voru notaðir samfélagsmiðlarnir Facebook, Youtube, Twitter og Instagram. Eftir að keyrslu herferðarinnar lauk tóku starfsmenn Menntamálastofnunar við verkefninu, fengu afhenta skýrslu með árangri og aðgangsupplýsingum að samfélagsmiðlum og sjá sjálfir um samfélagsmiðlana í dag.

Meira um herferðina má finna með því að nota #gottaðlesa við leit á samfélagsmiðlum.

Lóðasláttur

1. júní 20161. júní 2016
by Dögg Matthíasdóttir

Lóðasláttur fékk nýjan vef í maí 2015, rétt mátulega fyrir vertíð sumarsins.

Lóðasláttur er rótgróið fjölskyldufyrirtæki, upphaflega stofnað til þess að verða sér út um aukatekjur, en hefur vaxið fiskur um hrygg á hverju starfsári.

Lóðasláttur valdi það að vera í fastri áskrift að vefstjóra til leigu og byrjað var á að búa til nýjan vef. Eftir að vefurinn var tilbúinn og sjósettur, var ráðist í markaðsherferð á netinu. Skilgreind voru leitarorð og textaauglýsingar hjá Google keyptar með þeim fyrir hóflega fjárhagsáætlun.

Samhliða auglýsingaherferðinni var gert átak í samfélagmiðlum.

webdew annaðist

Vefstefnumótun
Hlutverk og markmið skilgreind
Veigamestu verkefni vefsins skilgreind
Textaskrif fyrir vefinn
Útlit, litir og grafík valin
Myndvinnsla
Prófarkalestur
Innsetning á efni
Samskipti við hýsingaraðila
Prófanir á virkni eftir opnun
Markaðsherferð á netinu

Skoða vefinn

http://lodaslattur.is

#RomanticReykjanes

31. maí 2016
by Dögg Matthíasdóttir

“Rómantík á Reykjanesi” var herferð sem keyrð var í samstarfi við Markaðsstofu Reykjaness sem miðaði að því að vekja athygli á því að Reykjanes komst á topp tíu lista USA Today yfir “Under the Radar Romantic Destinations” í júlí 2015. Í framhaldi af því tók Reykjanes þátt í keppni um að verða fyrir valinu sem staður nr. 1 á þeim lista.Kosningin fór fram á vefnum og var búinn til leikur á samfélagsmiðlum til að auka þátttöku í kosningu og auka líkur Reykjaness á að verða fyrir valinu.

Í verkefninu voru notaðir samfélagsmiðlarnir Facebook, Instagram og Pinterest. Að auki voru sendir út tölvupóstar með Mailchimp til fyrirtækja sem eru innan vébanda Markaðsstofu Reykjaness, til þess að fá þau til þátttöku og til að ýta undir að þau kæmu kosningunni á framfæri við sína viðskiptavini, á eigin vefjum og samfélagsmiðlum.

Reykjanes endaði í fimmta sæti í kosningunni og í kjölfarið var keyrður leikur á Facebook, til að þakka fyrir góða kosningu. Vinningar voru frá þáttökufyrirtækjum, settir saman í rómantíska pakka og fjórir vinningshafar dregnir út.

Meira um herferðina má finna með því að nota #RomanticReykjanes við leit á samfélagsmiðlum.

#Gott að lesa

Lóðasláttur

webdew annaðist

Skoða vefinn

#RomanticReykjanes

„Vits er þörf þeim er víða ratar“. - Úr Hávamálum