Guðrún Gunnars söngkona býður til tónleika í Salnum ásamt 7 manna hljómsveit undir stjórn Ásgeirs Ásgeirssonar gítarleikara. Hópurinn mun flytja lög eftir skandinavísk söngvaskáld, lög sem við heyrum sjaldan eða aldrei á öldum ljósvakanna hér heima og eru sum þekkt, önnur óþekkt. Lög Bremnes systkinana norsku, Kari, Lars og Ola, verða fyrirferðarmikil en Cornelis Vreeswijk fær að fljóta með og fleiri lagahöfundar. Textarnir eru eftir Aðalstein Ásberg skáld og lögin eru sum hver af sólóplötum Guðrúnar en þjóðlaga og vísnatónlist hefur alltaf staðið hjarta söngkonunnar nærri eins og heyra má á þeim 6 sólóplötum sem komið hafa út með henni. Þessi tónlist er hugljúf og textarnir hans Aðalsteins frábærir. Komdu og njóttu þess að fara með Guðrúnu Gunnars og hljómsveit í einstakt tónlistarferðalag. Guðrún og hennar teymi höfðu samband og óskuðu eftir samfélagsmiðlaherferð, auglýsingaherferð með það að markmiði að selja miða á tónleikana. Uppsetning aðgangsstýringa er sennilega stærsti þröskuldurinn til að yfirstíga áður en hægt er að fara af stað og það þarf að beita þolinmæði þegar átt er við Meta. Þegar inn er komið eru í boði margvíslega tæki og tól til að koma viðburði sem þessum á framfæri. Margar leiðir í boði, en mikilvægast af öllu er að vera með grunninn á hreinu: Hver er markhópurinn? Hver eru skilaboðin? Hvað fjármagn er til ráðstöfunar? Mér þykir ávallt mikilvægt að á sama tíma og ég set auglýsingaherferð á samfélagsmiðlum í gang að yfirfara allar grunnupplýsingar þeirrar síðu sem er auglýsandi. Atriði eins og: Prófílmynd Forsíðumynd (cover photo) netfang, símanúmer lendingarsíður Grunnupplýsingarnar þurfa að vera 100% og allra best ef allt er í samræmi. Auglýsingaherferð á samfélagsmiðlum Meta þarfnast réttrar uppsetningar, vöktunar og eftirfylgni. Já, þetta er vinna. webdew annaðist Auglýsingaherferð á samfélagsmiðlum Meta Skoða FB síðuna Guðrún Gunnars
Keyrt og kokkað.is
Rögnvaldur Guðbrandsson er ökuleiðsögumaður og matreiðslumeistari og fyrir hann vann Dögg Matthíasdóttir viðurkenndur stafrænn markaðssérfræðingur hjá webdew.is einfaldan vef í janúar 2024. Rögnvaldur Guðbrandsson útskrifaðist sem matreiðslumeistari árið 1989. Gegnum tíðina hefur hann starfað á fjölmörgum af betri veitingahúsum landsins, Hótel Holt, Jónatan Livingstone mávur, Hótel Stykkishólmur, Rub 23 svo dæmi séu nefnd. Rögnvaldur Guðbrandsson hefur verið sjálfstætt starfandi ökuleiðsögumaður frá árinu 2015. Sem ökuleiðsögumaður starfar hann fyrir vandaðar og viðurkenndar ferðaskrifstofur og ferðaskipuleggjendur. Rögnvaldur getur starfað sem matreiðslumeistari eða ökuleiðsögumaður eða hvort tveggja í senn. Með Rögnvaldi á Raminum geta að hámarki verið 4 farþegar í dagsferð og veislu slegið upp á áfangastað. Ef um stærri hópa er að ræða, er veislan tilbúin þegar hópurinn kemur á áfangastað, Rögnvaldur hittir þá hópinn á fyrirfram ákveðnum stað. Ljósmyndir tók Dögg í ferð með Rögnvaldi í Kerlingafjöll, þar sem hann sló upp veislu, en á vefinn voru einning notaðar ljósmyndir sem Rögnvaldur hefur sjálfur tekið á sínum ferðum. Til þess að skrifa efni fyrir vefinn, settumst við Röggi nokkrum sinnum niður yfir kaffibolla, til þess að ná niður á blað einhverjum punktum um feril hans sem ökuleiðsögumanns og matreiðslumeistara hingað til. Í framhaldinu var þjónustan mótuð og samhliða vinnslu við vefinn fékk Röggi líka ráðgjöf varðandi samfélagsmiðla. webdew annaðist Efnisskrif Ljósmyndun Vefstefnumótun Val á þema Útlit skapað með litum og virkni Leitarvélabestun Vefsíðugerð Prófarkalestur Innsetning á efni Vefstjóri til leigu Prófanir á virkni á öllum snjalltækjum Skoða vefinn Keyrtogkokkad.is
Íslenskir staðlar – Staðlaráð Íslands
Gegnum Hoobla, samfélag sjálfstætt starfandi sérfræðinga, fékk ég það tækifæri á dögunum að vinna frábært verkefni fyrir Íslenska staðla – Staðlaráð Íslands. Verkefnið var fólgið í því að setja saman markaðsáætlun fyrir þau. Aðaláherslan var að sjálfsögðu lögð á stafrænar markaðsaðgerðir og fólgið í því að skipuleggja hvernig þau geta best nýtt tíma sinn og fjármuni til þess að skila þeim betri vitund um vörumerkið þeirra. Við tókum góðan kynningarfund, svo fékk ég tíma til að afla gagna, skoða vefinn þeirra, aðra vefi og snertifleti á samfélagsmiðlum. Að loknum skilafundi verður gaman að fylgjast með þeim í framhaldinu, hvernig til tekst. Þau eru strax búin að teygja sig í ávextina sem hengju lágt á trénu eins og að samræma heiti og útlit á samfélagsmiðlunum. Vel gert. webdew annaðist Þjónustuskoðun á vef Vefstefnumótun Samfélagsmiðla Skoða vefinn Íslenskir staðlar – Staðlaráð Íslands
Fundur fólksins – Lýðræðishátíð unga fólksins
Ingibjörg Gréta Gísladóttir hafði samband við Dögg hjá webdew.is og var í uppnámi, ofandaði í símann því það var hreinlega allt í skralli. Viðburðir sem birtast áttu á vefnum birtust bara alls ekki. Dögg skoðaði málið og bakenda vefsins. Í bakendanum var allt orðið stútfullt af viðbótum (e. Plugins) sem enginn var lengur að nota og voru ekki neinum til gagns. Útlitið (e. Theme) var sérsniðið og það var bara alls ekki að virka. Dögg lagaði því til í bakendanum, tók út viðbætur sem ekki voru lengur í notkun og að lokum var einnig skipt um útlit á vefnum.Þessar breytingar urðu til þess að notendur í bakendanum geta nú auðveldlega unnið að þeim verkefnum sem þeir þurfa, eins og að setja inn fréttir og stofna nýja viðburði, sem birtast í heildardagskrá Funda fólksins, en líka með því að setja flokka (e. Categories) var hægt að birta viðburði sem tilheyra Lýðræðishátíð unga fólksins á sér síðu, þar sem aðeins birtast viðeigandi viðburðir. Niðurstaða: Allir glaðir og geta notað einfaldan WordPress vef, eins og til var ætlast. webdew annaðist Þjónustuskoðun á vef Vefstefnumótun Val á þema Útlit skapað með litum og virkni Vefsíðugerð Prófarkalestur Innsetning á efni Vefstjóri til leigu Prófanir á virkni á öllum snjalltækjum Skoða vefinn Fundur fólksins
Grimma bókhaldsþjónusta
Bókhalds- og fasteignafélagið Núll tók til starfa í lok árs 2016 og árið 2021 var komið að nafnabreytingu, þá varð til Grimma bókhaldsþjónusta. Grimma bókhaldsþjónusta annast alla alhliða bókhaldsþjónustu, virðisaukaskattskil, launaútreikninga og -greiðslur og veitir jafnt einstaklingum, verktökum, félagasamtökum og fyrirtækjum persónulega bókhaldsþjónustu. Halldóra Ósk Ólafsdóttir er löggildur bókari og það er fínt að geta einbeitt sér að þeirri vinnu fyrir viðskiptavini sína, flestum finnst þægilegt að losna við bókhaldsvinnuna og þurfa aðeins að afhenda fylgiskjölin til bókarans. Með breytingunni var leitast við að skapa nýja ímynd, fanga kjarnann í þeirri þjónustu sem verið er að veita og miðla henni til núverandi og nýrra viðskiptavina. webdew annaðist Vefstefnumótun Vefsíðugerð Hlutverk og markmið skilgreind Veigamestu verkefni vefsins skilgreind Val tæknilegra viðbóta Útlit, litir og grafík valin Ljósmyndun Myndvinnsla Leitarvélabestun Prófarkalestur Innsetning á efni Prófanir á virkni á öllum snjalltækjum Skoða vefinn grimma.is