Topp tíu: Hvað veistu um vefinn þinn?

janúar 17, 2018janúar 17, 2018
by dewice

Um áramót verða tímamót og þá er gott að staldra við til þess að líta yfir farinn vef og huga að því hvert stefnan skal tekin í framtíðinni. Fyrir vefi mæli ég með því að nota tækifæri og skoða tölfræðina um umferð og efni hvers vefs.

Greiningartólið Google Analytics set ég upp og mæli með að allir viðskiptavinir mínir noti. Fyrir þá sem hafa alvöru áhuga á að nýta sér greiningartólið, mæli ég með því að setja Google Analytics appið upp í farsímanum þínum og þá ertu alltaf með yfirsýn yfir það helsta.

Topp tíu

Google Analytics getur svarað spurningum eins og:

Hve margir notendur komu i heimsókn á vefinn?
Hvað eyddu notendur löngum tíma á vefnum?
Á hvaða tíma dags komu notendur í heimsókn á vefinn?
Hve margar voru síðuflettingar á vefnum?
Hvert var hlutfall snjalltækja, farsíma og spjaldtalva á móti hefðbundunum tölvum?
Hvaðan komu notendurir; beint inn á vefinn eða gegnum leitarvélar eða samfélagsmiðla?
Hvaðan úr heiminum komu heimsóknir inn á vefinn?
Hvaða efni vefsins var eftirsóknarverðast?
Hvaða leitarorð voru slegin inn í leitarvél vefsins?
Hvaða tekjur voru af vefverslun, ef um vefverslun er að ræða?

Það að staldra við og rýna aðeins í tölfræðina á vefnum getur sagt þér ýmislegt um viðskiptavini þína og hjálpað þér að veita þeim þar með betri þjónustu. Ertu að ná til þeirra viðskiptavina sem þú vilt? Eru viðskiptavinir þínir að finna það efni sem þeir leita að á vefnum þínum? Eru helstu verkefni vefsins skilgreind og standast þau eða þarfnast þau endurskoðunar?

Viltu aðstoð?

Með greiningarvinnu geturðu líka tekið betri stefnu fram í framtíðina, þarf e.t.v. að bæta við efni á fleiri tungumálum? Þarftu að huga að leitarvélabestun á núverandi efnissíðum, þarf að rýna þær og endurskoða? Þarftu að móta, í ljósi nýrra upplýsinga betri vefstefnu?

Ég mæli með því að þú takir stöðuna á vefnum þínum, þó ekki sé nema einu sinni á ári, alveg eins og að fara með bílinn þinn í skoðun.

Ef þú vilt einhverja aðstoð, þá er velkomið að hafa samband, dew@webdew.is eða í síma 690 1205

Vefur vikunnar

Nýr vefur Unique hár og spa

október 22, 2015
by dewice

Á dögunum opnaði Unique hár og spa nýjan vef.

Markmiðið var að gera minimalískt útlit sem virkaði vel á snjallsímum. Leyfa glæsilegu myndefni sem prýðir stofuna að njóta sín á vefnum líka.

Spa hluti Unique hár og spa þurfti að fá meira pláss frá því sem áður var, til jafns við hár hlutann. Þá eru viðskiptavinir sífellt að spyrja um gjafabréf sem hægt er að gefa t.d. mömmu í jólagjöf eða slá saman handa tilvonandi brúður í gæsun. Lausnir við því voru dekurpakkarnir, sem hægt er að panta á netinu og svo kemur þú og sækir gjafabréf í Borgartúninu.

Samhliða nýjum vef Unique hár og spa, var farið yfir aðra vefmiðla, s.s. unique á ja.is og gerðar breytingar til samræmis við útlitið á nýja vefnum. Heildstæð notendaupplifun er það sem við erum að sækjast eftir.

Skoðaðu verkefnið og sjá hvað webdew annaðist.

Önnur verkefni geturðu skoðað hér.

Vefur vikunnar

Vefur mánaðarins: Lóðasláttur

júlí 15, 2015
by dewice

Vefur júlímánaðar er nýr vefur Lóðasláttar.

Lóðasláttur er rótgróið fjölskyldufyrirtæki sem valdi það að vera í fastri áskrift að vefstjóra til leigu. Eftir að flottur nýr vefur var sjósettur var ráðist í markaðssetningu á netinu til að fylgja honum úr hlaði.

Árangurinn lætur ekki á sér standa, fleiri fyrirspurnir berast í gegnum vefinn og fleiri símtöl, svo eigendurnir eru ánægðir með að fá fjárfestinguna sína fljótt til baka.

Skoðaðu:

Vefur vikunnar

Leitarvélabestun: SEO (Search Engine Optimisation)

janúar 19, 2015
by dewice

Leitarvélabestun. Þetta er eitt af þessu buzz orðum, orðum sem stundum geta verið jargon en ef þú hefur áhuga á að skyggnast aðeins undir yfirborðið þá er þetta ekki svo flókið.

Ætli ég hafi ekki notað „leitarvélabestun“ oftar í dag en venjulega, var á fundi með væntanlegum viðskiptavinum og nefndi það í a.m.k. tveimur símtölum.

Leitarvélabestun felur í sér að gera efni vefsins þíns þannig úr garði að leitarvélar geti fundið það sem þær eru að leita að, á síðunum sem þú býður upp á. Það má samt ekki fara offari og gleyma því að það er fólk sem les og notar vefi. Eins og svo oft áður snýst málið um að finna rétta jafnvægið.

Mér til halds og trausts í gegnum árin hef ég oftar en ekki fundið svarið á Google. Það á ekki síst við í tilfelli leitarvélabestunar, því Google hefur gefið út leiðbeiningar um leitarvélabestun sem allir geta nálgast, lesið og nýtt sér.

Leitarvélabestun er eitt af því sem ég tek fyrir í þjónustuskoðun vefja svo þér er velkomið að hafa samband, ef þú vilt gera vefinn þinn leitarvélavænni. Eða ef þú ert of önnum kafinn, þá er þetta eitt þeirra vefverkefna sem auðveldlega má útvista.

Topp tíu: Hvað veistu um vefinn þinn?

Topp tíu

Viltu aðstoð?

Nýr vefur Unique hár og spa

Vefur mánaðarins: Lóðasláttur

Leitarvélabestun: SEO (Search Engine Optimisation)

„Vits er þörf þeim er víða ratar“. - Úr Hávamálum