Skip to content
webdew
  • Verkefnin
    • Andrými.is
    • Culina.is
    • Eldgos á Reykjanesi – Exclusive Travel
    • Eldhúsgaldrar
    • Fugl ársins
    • Fluidfilm.is
    • Gleraugnabúðin Mjódd
    • Grimma bókhaldsþjónusta
    • Húsamálarinn.is
    • Kjötsmiðjan 30 ára
    • Lestur.is
    • Skyndiprent.is
    • Eldri verkefni
      • Bókhaldsþjónustan Núll
      • #Fordómalaus
      • #Gott að lesa
      • Hugarfrelsi.is
      • Hús sjávarklasans
      • Íslenski sjávarklasinn
      • Lestrarsetur
      • Lóðasláttur
      • Matstofan leitarvélabestun
      • Matstofan
      • Offroad Iceland.is
      • Reisum.is
      • #RomanticReykjanes
      • Unique.is
      • Verklagnir.is
  • Þjónustan
    • Leitarvélabestun
    • Leitarorðaherferðir
    • Markaðsherferð með tölvupósti
    • Markaðssetning á netinu
    • Samfélagsmiðlar
    • Vefsíðugerð
    • Vefstefna
    • Vefstjóri til leigu
    • Þjónustuskoðun vefs
  • Um webdew
    • Bloggið
  • Hafa samband

Heim | Stafræn Markaðssetning

LinkedIn samfélagsmiðill fyrir fagfólk Samfélagsmiðlar

Er LinkedIn prófíllinn í lagi?

  • 17. mars 2023
  • by Dögg Matthíasdóttir

LinkedIn er samfélagsmiðill fyrir fagfóllk þar sem starfsferillinn þinn er í forgrunni. Vettvangur þar sem þú getur átt samskipti við aðra í sömu grein og verið virkur þátttakandi í tengslanetinu þínu.

Uppfærðu upplýsingarnar

Notaðu fullt nafn, þá er hægt að finna þig með leitarvélinni.

Mynd, vertu með nýlega mynd af þér sem prófílmynd, sem gerir það að verkum að fólk sem þekkir þig er ekki í neinum vafa um að þú ert þú. Þú getur frekar valið einhverja skemmtilega mynd í hausinn (e. Cover Photo).

Samskiptaupplýsingar (e. Contact Info), vertu viss um að þessar upplýsingar séu réttar, til þess að fólk geti haft samband við þig. Gömul símanúmer og gömul netföng gera ekkert gagn.

Tengslanetið

Enginn gerir neitt einn. Vertu í tengslum við annað fólk og virkjaðu tengslanetið þitt. Það eru allir með eitthvað tengslanet, samstarfsfólk gegnum tíðina, skólafélagar, vinir og ættingjar eru allt mikilvægir hlekkir í tengslanetinu þínu. Það þarf samt að vinna í því og halda því uppfærðu og útvíkkuðu.

Á LinkedIn er líka hægt að ganga í hópa um málefni sem eru þér hugleikin, þannig er hægt að fylgjast með breytingum, nýjungum og umræðum.

Vertu í sambandi

Þér er velkomið að tengjast mér á LinkedIn, tengilinn minn er linkedin.com/in/dewice/ 

Gangi þér vel.

Vefsíðugerð - skýringarmynd ©webdew.is Stafræn Markaðssetning

Vefsíðugerð

  • 16. febrúar 202316. febrúar 2023
  • by Dögg Matthíasdóttir

Vefsíðugerð eru búin að vera mínar ær og kýr í nærri því aldarfjórðung, internetið var ungt þegar ég byrjaði að sýsla með vefi.

Efnisyfirlit

  • Vefsíðugerð
  • Heimasíðugerð
  • Vefsíðugerð í WordPress
    • Af hverju er WordPress svona vinsælt?
  • Vantar þig nýja heimasíðu?
  • Vefsíðugerð verð

Vefsíðugerð

Vefsíðugerð er skemmtilegur vettvangur að starfa við. Að geta liðsinnt viðskiptavinum, fyrirtækjum, félagasamtökum og einstaklingum við að koma sér á framfæri á internetinu með stafrænni markaðssetningu með vefsíðugerð er oft á tíðum krefjandi verkefni, en alltaf skemmtilegt.

Væntingastjórnun viðskiptavina er stór partur af vefsíðugerð, þ.e. Að stilla væntingar viðskiptavina til vefsins að því hlutverki sem vefurinn á að þjóna. Fyrstu spurningarnar sem ég spyr viðskiptavini mína snúast um það hvers konar vef vörur þeirra eða þjónusta þarf á að halda. Þarftu upplýsingavef? Þarftu söluvef eða vefverslun? Eða eru þarfirnar einhverjar allt aðrar.

Það er mikilvægt að velta fyrir sér helstu verkefnum vefsins, þ.e. Hvað viltu að notendur vefsins geti gert á honum. Ertu að fara að setja upp vefverslun þar sem viðskiptavinir eiga að geta afgreitt sig sjálfir og sett vörur í körfu og gengið frá greiðslu? Eða ertu að gera vefsíðu sem veitir helstu upplýsingar um þjónustu eða starfsemi þar sem þú vilt einna helst að tilvonandi viðskiptavinir geti aflað sér upplýsinga áður en þeir hafa samband, til dæmis til þess að fá tilboð?

Vefstefnumótun að lokinni þarfagreiningu er þannig lykilþáttur í vefsíðugerð, áður en hafist er handa við að skipuleggja upplýsingaarkitektúr og skrifa efni fyrir vefinn. Auk þess að sinna efnisskrifum þarf að vera skýr mynd af því hvaða efni er til eins og myndir. Margir eiga myndefni sem hentar að nota, annað myndefni þarf að búa til, sérstaklega fyrir vefinn. Ef það hentar, þá get ég líka brugðið mér í hlutverk ljósmyndara en ég hef líka komið viðskiptavinum mínum í samband við ljósmyndara og sent þá í myndatöku til þess að búa til ljósmyndir sem hægt er að nota á vefnum við stafræna markaðssetningu.

Litir og leturgerðir er líka gott að séu fyrirliggjandi upplýsingar, til þess að vörumerkið haldi ásýnd og ímynd á vefnum í takt við það sem er á öðrum miðlum t.d. Prenti. Ef þú ert ekki kominn svo langt með vörumerkið þitt, þá get ég verið þér innan handar með það.

Heimasíðugerð

Heimasíðugerð vil ég meina að sé hluti af vefsíðugerð, þar sem heimasíðugerð tekur aðeins til einnar vefsíðu, heimasíðunnar. Heimasíða eða forsíða hvers vefs er oft fyrsti snertiflötur viðskiptavinarins, ef hann kemur beint inn á lénið þitt. Heimasíðan er foreldri, andlitið í forsvari og á henni þarf að vera heildarmynd, yfirlit yfir starfsemina, vörur og þjónustu sem þú ert að bjóða uppá á vefnum. Það má hugsa um heimasíðuna sem útstillingarglugga, ef þú værir með verslun á fjölfarininni götu þar sem viðskiptavinir fara framhjá, þarftu að leggja metnað í það hverju þú stillir upp í glugganum til þess að reyna að laða viðskiptavini að þinni verslun umfram aðrar.

Heimasíðan á vefnum er þess vegna oftast síðasta vefsíðan sem ég set saman þegar ég er í vefsíðugerð. Með því að vinna heimasíðuna eftir að efni er komið á allar aðrar vefsíðu má fá yfirsýn og búa til innri tengla yfir á aðrar vefsíður vefsins.

Þannig er algengt að hafa auglýsingapláss á heimasíðunni, kafla eða svæði þar sem ég geri ráð fyrir að þú skiptir um áherslur og markmið til dæmis eftir árstíðum eða þeim markaðsherferðum sem eru í gangi hverju sinni.

Vefsíðugerð í WordPress

Frá árinu 2014 er algengast að ég hef unnið vefsíðugerð í WordPress vefumsjónarkerfinu, enda er WordPress með ráðandi markaðshlutdeild af þeim vefjum sem nýta sér vefumsjónarkerfi. Hlutföllin eru rúm 60% þeirra vefja sem nota vefumsjónarkerfi velja WordPress vefumsjónarkerfið og það eru rúm 40% allra vefja.

Af hverju er WordPress svona vinsælt?

WordPress vefumsjónarkerfið
WordPress vefumsjónarkerfið

WordPress nýtur þessara vinsælda að mínu mati fyrst og fremst vegna þess að það er einfalt og ódýrt. Í grunnin er það svo einfalt að ég stend í þeirri trú að allir geti lært að nota það, til þess að taka við rekstri á sínum vef eftir að hafa hlotið einhverja handleiðslu í notkun WordPress. WordPress er ódýrt, grunnkerfið kostar ekki neitt, þú borgar ekkert árgjald, ekkert mánaðargjald.

Hins vegar eru viðskiptamódelin þannig að þú getur borgað fyrir það sem þú vilt þegar kemur að WordPress. Ef frítt WordPress þema, sem stýrir útlitinu á vefnum, er ekki að duga þér, þá geturðu borgað fyrir þemu sem gera meira.

Það sama á við um viðbætur (e. Plugins), það er til urmull af viðbótum sem þú þarft ekki að borga fyrir. Svo ertu kannski með þarfir um virkni á vefnum, sem þú ert tilbúin/n til að borga fyrir og þá er úrval viðbóta í boði þar sem þú getur greitt fyrir þá virkni sem þú þarfnast. Þar er ýmist um að ræða stök kaup eða árgjöld, úrvalið þegar kemur að viðbótum er nærri því óendanlegt.

Þess vegna skiptir miklu máli að velja vel, bæði þegar kemur að þema og viðbótum. Því vil ég meina að mínum tíma sé vel varið í að velja þær viðbætur og þau þemu sem henta þér og þínum rekstri, langtímasjónarmið er alltaf gott sjónarhorn þegar kemur að vali á þema og viðbótum með virkni.

Vantar þig nýja heimasíðu?

Ertu að fara af stað með rekstur og viltu setja upp vef? Eða ertu nú þegar með vef í rekstri og þarf kannski bara að hressa uppá hann?

Vefsíðugerð og heimasíðugerð breytast hratt og hafa alla tíð gert. Hraðastar breytingar síðustu misseri snúa fyrst og fremst að því hvaða tæki notendur nota til að heimsækja vefinn þinn og með tilkomu snjallsíma er algengara að heimsóknum á vefi með farsíma hafi fjölgað.

Vefurinn þinn, heimasíðan þín þarf því að vera í stakk búin til þess að geta tekið á móti heimsóknum snjallsíma. Snjallvefur er því algjör nauðsyn nú til dags.

Hvert er hlutfall heimsókna á vefinn þinn gegnum snjallsíma? Þetta er grundvallarspurning sem allir eigendur vefja verða að geta svarað. Er hlutfallið jafnt, 50/50 snjallsímar og fartölvur?

Til þess að svara þessari spurningu er mikilvægt að byggja á fyrirliggjandi gögnum, best er að notast við Google Analytics greiningartólið. Miðað við þínar þarfir og viðskiptavina þinna, ráðumst við í vefsíðugerð sem mætir þínum viðskiptavinum.

Vefsíðugerð verð

Verð í vefsíðugerð, hvað kostar vefsíðugerð? Eða, hvað kostar að gera nýja heimasíðu? Hvað kostar að gera nýjan vef?

Eðlilega eru þetta oft fyrstu spurningarnar sem viðskiptavinir mínir spyrja.

Við þessum spurningum um verð á vef, er ekki einfalt svar. Þetta ræðst alltaf svolítið af umfangi. Hvað áttu, hvað þarf að búa til fyrir þig af vefefni, hvað hefur þú getur og kunnáttu til að gera á eigin spýtur og hvað þarftu að fá ráðgjöf og aðstoð með.

Til þess að svara þessu, er einfaldast að hafa samband.

Ég sel staka tíma í vefráðgjöf á 12.500 krónur auk virðisaukaskatts. Ég býð líka uppá að vera vefstjóri til leigu. En það kostar ekkert að hafa samband.

Ég geri tilboð í vefsíðugerð, miðað við það umfang sem um er að ræða, en til þess að geta gert þér tilboð þarft þú að stíga fyrsta skrefið, það kostar ekkert að hafa samband.

Stafrænn úrgangur Stafræn Markaðssetning

Stafrænn úrgangur

  • 6. janúar 2023
  • by Dögg Matthíasdóttir

Ert þú að safna rusli?

Stafrænn úrgangur er eitthvað sem við leiðum ekki hugann að, kannski fyrst og fremst vegna þess að við sjáum hann ekki. Staðreyndin er nú engu að síður sú að við þurfum að leiða hugann að honum ekki síður en úrgangi á heimilum okkar og vinnustöðum.

Stafrænu tækin okkar, snjallsímar og fartölvur eru full af stafrænu rusli. Það er heill heimur þarna úti, Internetið, sem er fullur af rusli. Þetta á einnig við um vefi, margir þeirra eru allt of stórir, þeir eru með of margar síður af upplýsingum sem við þurfum ekkert endilega á að halda, það má vel grisja vefefni og taka til í því. Myndir eru oft allt of stórar, taka tíma að hlaðast niður. Í allt þetta eyðum við allt of mikið af orku, raforku, sem er dýr, sama hvar í veröldinni þú ert.

Það er skylda að geyma bókhaldsgögn í 7 ár, en öll önnur skjöl falla ekki undir slíkar kvaðir yfirvalda. Hvað skyldu leynast gömul gögn á þínum tækjum?

Gerry McGovern og viðmælandi hans John Booth í nýjast hlaðvarpinu um stafræna sóun, vilja meina að 90% gagna sem við söfnum séu rusl.

Áhugavert umhugsunarefni, nú þegar jólin er liðin og nýja árið gengið í garð með fögrum fyrirheitum.

GoogleAds Google Auglýsingar

Hvernig sér Google mig?

  • 2. október 202215. október 2022
  • by Dögg Matthíasdóttir

Google Ads eða Google Auglýsingar á íslensku eitt af verkfærunum úr smiðju Google sem er frábært að nýta sér við stafræna markaðssetningu.

Stafræn markaðssetning byggir á gögnum og upplýsingum, með verkfærunum færðu að taka ákvarðanir um hverjir eru í markhópnum. Markhópurinn getur verið hefðbundinn með lýðfræðibreytum eins og aldur eða kyni. Frábært að nota ef þú ert með vörur eða þjónustu sem eiga bara erindi til karla undir þrítugu eða kvenna á breytingaskeiði.

Með því að nota verkfæri eins og Google Ads, færðu tækifæri til að gera meira en horfa á markhópinn þinn eftir aldri og kyni. Tekjur heimilis er breyta, sem er þó ekki í boði á öllum markaðssvæðum og sömuleiðis hvort um foreldra eða barnlaust fólk er að ræða.

Aðrar áhugaverðar breytur eru áhugasvið og kauphegðun. Í Google Auglýsingaverkfærinu kallast þetta Markhópar (Audience Segments) og áhugasvið (Affinity) og kauphegðun (In market).

Hvernig sér Google þig? Það er einfalt að skoða þessar stillingar á Google auglýsingastillingum. Smelltu á hlekkinn og sjáðu hvernig Google sér þig.

Google auglýsingastillingar

20151006 101209 Stafræn Markaðssetning

Ferðaþjónusta morgundagsins

  • 6. október 201515. október 2022
  • by Dögg Matthíasdóttir

Það eru liðin 7 ár frá „Guð blessi Ísland“….

Sat í tilefni dagsins fyrirlestur á vegum Íslandsstofu og Capacent um ferðaþjónstu morgundagsins.

Áhugavert efni, hér eru nokkrar svipmyndir, til minnis. Svipmyndir; Ferðaþjónusta morgundagsins

 

„Vits er þörf þeim er víða ratar“. - Úr Hávamálum

Hafa samband

Dögg Matthíasdóttir
Hrauntunga 14
200 Kópavogur

Kennitala: 121175-3399
Vsk númer: 123500

Sími: 6901205
Netfang: dew@webdew.is

  • LinkedIn
  • Facebook
  • Twitter
  • Instagram
  • YouTube
© 2023 webdew | Allur réttur áskilinn |
Theme by Colorlib Powered by WordPress
 

Loading Comments...