Google Adwords árangur

19. október 201619. október 2016
by Dögg Matthíasdóttir

Í haust er árangur auglýsinga í Google Adwords búinn að vera mér hugleikinn. Allur undirbúningur við auglýsingar á leitarvélum skiptir máli, ákveða leitarorðin sem þú vilt að auglýsingin þín finnist eftir, skrifa auglýsinguna með leitarorðin í huga og skipuleggja fjárhagsáætlun, hvað ertu tilbúin/nn til að borga fyrir auglýsingarnar. Svo þarf að hafa í huga að þú náir til markhópsins sem þú óskar, með stillingum á staðsetningu og tungumálum. Allt klárt og auglýsingaherferðin er sett í gang. En hvernig eru auglýsingarnar að standa sig?

Markmið auglýsingaherferða á leitarvélum geta verið mismunandi en algengast er að þú borgir þegar smellt er á auglýsinguna (e. PPC eða Pay Per Click). Viðbrögðin eru svo smellihlutfall (e. Clickthrough Rate), viðskiptahlutfall (e. Conversion Rate) og meðalkostnaður á hvern smell. Þannig fást upplýsingar um þann árangur sem við viljum ná.

Samanburður við aðra í sömu grein er líka mikilvægur mælikvarði, þú vilt ekki vera að borga meira en þú þarft í samkeppnisumhverfinu. Og að sjálfsögðu viltu að hlutföllin þín séu betri en samkeppnisaðilanna.

Áhugaverð grein er hér: Google AdWords average conversion rates by industry [study]

Ef við tökum ferðaþjónustu sem dæmi þá var meðal viðskiptahlutfall (e. Average Conversion Rate) 2,57% í leitarorðaherferðum en lækkar í 0,53% þegar Display Network auglýsingar eru skoðaðar.

Vefur vikunnar

Vefur Culina uppfærður og endurskoðaður

15. apríl 2016
by Dögg Matthíasdóttir

Ég tel mikilvægt að taka vefi reglulega til endurskoðunar, ekki ólíkt því að fara með bílinn sinn í skoðun á hverju ári.

Um daginn kom Dóra Svavarsdóttir, matreiðslumeistari og eigandi Culina að máli við mig og langaði til að gera breytingar á vefnum. Hennar aðaláhersla var að gera meira úr veisluþjónustunni á vefnum.

Ég byrjaði á skoða umferðina með greiningartólinu Google Analytics. Það er mjög mikilvægt að átta sig á því þegar um endurskoðun vefs er að ræða að vita hvaðan gestirnir koma, hvaða síður skoða þeir (og hverjar skoða þeir ekki), hve miklum tíma eyða þeir á vefnum og hvaða tæki voru þeir að nota þegar þeir komu í heimsókn. Það er margt fleira sem hægt er að skoða með greiningartólinu og auðvelt að gleyma sér þér.

Auk þess:

Efni rýnt og endurskoðað
Nýtt efni skrifað
Nýtt myndefni
Tenglar yfirfarnir
Nýtt heildarútlit
Ný forsíða með áherslubreytingum

Endurbættan vef Culina má skoða hér.

Vefur vikunnar

Markaðssetning á samfélagsmiðlum

20. janúar 2016
by Dögg Matthíasdóttir

Þessa dagana er ég að vinna að frábæru verkefni, markaðssetningu á samfélagsmiðlum fyrir átakið Fordómalaus. Fyrir átakið var valið að vera á Youtube annars vegar og Facebook hins vegar, enda samræmdist það markmiðum verkefnisins. Viðtökurnar hafa verið framar björtustu vonum það sem af er og við vonum svo sannarlega að það verði framhald á því.

Fyrir þá sem eru að hugsa um markaðssetningu á samfélagsmiðlum, eru nokkur atriði sem vert er að hafa í huga áður en haldið er af stað.

Á hvaða samfélagsmiðlum á ég að vera?
Á hvaða samfélagsmiðlum á ég ekki að vera?
Hver er markhópurinn?
Hvaða skilaboð er ég að senda?
Hvernig samskipti vil ég eiga við viðskiptavini mína?

Til frekara skrafs og ráðagerða er þér velkomið að hafa samband við dew@webdew.is.

Vefur vikunnar

Vefur mánaðarins: Lestur.is

10. desember 2015
by Dögg Matthíasdóttir

Nú í desember var nýjum vef fyrir Lestrarmiðstöð í Mjódd hleypt af stokkunum. Webdew annaðist samskipti við nýjan hýsingaraðila og tæknilega uppsetningu vefumsjónarkerfisins en Auður B. Kristinsdóttir eigandi sá sjálf um endurskrif efnis.

Eins og lesa má um í Verkefnin/Lestur.is getur webdew annast, fyrir hönd sinna viðskiptavina, tæknilegar hliðar s.s. uppsetningu á vefumsjónrkerfi, virkni t.d. á pöntunar- og fyrirspurnarformum, og stillingar á tölvupósti þegar búið er að opna nýjan vef, hjá nýjum hýsingaraðila.

Þegar Auður fékk þá tæknilegu aðstoð sem hún þurfti á að halda, var ekkert mál að vinda sér í verkefnið að uppfæra vefinn, sem hún var annars búin að mikla fyrir sér og draga á langinn.

Afrakstur þessarar verkaskiptinu er nýr vefur lestur.is

Vefur vikunnar

Nýr vefur Unique hár og spa

22. október 2015
by Dögg Matthíasdóttir

Á dögunum opnaði Unique hár og spa nýjan vef.

Markmiðið var að gera minimalískt útlit sem virkaði vel á snjallsímum. Leyfa glæsilegu myndefni sem prýðir stofuna að njóta sín á vefnum líka.

Spa hluti Unique hár og spa þurfti að fá meira pláss frá því sem áður var, til jafns við hár hlutann. Þá eru viðskiptavinir sífellt að spyrja um gjafabréf sem hægt er að gefa t.d. mömmu í jólagjöf eða slá saman handa tilvonandi brúður í gæsun. Lausnir við því voru dekurpakkarnir, sem hægt er að panta á netinu og svo kemur þú og sækir gjafabréf í Borgartúninu.

Samhliða nýjum vef Unique hár og spa, var farið yfir aðra vefmiðla, s.s. unique á ja.is og gerðar breytingar til samræmis við útlitið á nýja vefnum. Heildstæð notendaupplifun er það sem við erum að sækjast eftir.

Skoðaðu verkefnið og sjá hvað webdew annaðist.

Önnur verkefni geturðu skoðað hér.

Stafræn Markaðssetning

Ferðaþjónusta morgundagsins

6. október 201515. október 2022
by Dögg Matthíasdóttir

Það eru liðin 7 ár frá „Guð blessi Ísland“….

Sat í tilefni dagsins fyrirlestur á vegum Íslandsstofu og Capacent um ferðaþjónstu morgundagsins.

Áhugavert efni, hér eru nokkrar svipmyndir, til minnis. Svipmyndir; Ferðaþjónusta morgundagsins

Vefur vikunnar

Þjónustuskoðun Sjávarklasans

11. ágúst 2015
by Dögg Matthíasdóttir

Ein þeirra þjónustuleiða sem í boði eru kallast þjónustuskoðun. Þetta er ekkert ósvipað því að fara með bílinn sinn í skoðun einu sinni á ári, við viljum vera viss að öll ljós kvikni þegar þau eiga að gera það svo aðrir sjái okkur í umferðinni. Við viljum að bremsur og önnur öryggistæki virki sem skildi og það gildi sömu lögmál um vefinn þinn.

Undir Verkefnin er að finna tilvitnun í Evu Rún Michelsen, framkvæmdastjóra Húss Sjávarklasans um hvernig til tókst. Eða lestu nánar um þjónustuskoðun Sjávarklasans.

Komdu með vefinn þinn í þjónustuskoðun, smelltu til að panta.

Vefur vikunnar

Vefur mánaðarins: Lóðasláttur

15. júlí 2015
by Dögg Matthíasdóttir

Vefur júlímánaðar er nýr vefur Lóðasláttar.

Lóðasláttur er rótgróið fjölskyldufyrirtæki sem valdi það að vera í fastri áskrift að vefstjóra til leigu. Eftir að flottur nýr vefur var sjósettur var ráðist í markaðssetningu á netinu til að fylgja honum úr hlaði.

Árangurinn lætur ekki á sér standa, fleiri fyrirspurnir berast í gegnum vefinn og fleiri símtöl, svo eigendurnir eru ánægðir með að fá fjárfestinguna sína fljótt til baka.

Skoðaðu:

Undarlegt ferðalag

Nú árið er liðið…

8. júní 2015
by Dögg Matthíasdóttir

365 dagar.

Fullir af áskorunum og breytingum. Gleði og sorg enda eru þær systur oftast samferða.

Sveigjanleiki. Getan til að aðlaga sig breyttum aðstæðum.

Endurskoðun. Endursköpun og nýsköpun.

Á tímamótum horfir maður oft yfir farinn veg og reynir að skoða hvað gekk vel og hvaða pitti má varast. Að horfa fram á veginn, full tilhlökkunar.

Eftir fyrsta árið hjá webdew.is get ég ekki ímyndað mér hvað næsta árið kemur til með að hafa í för með sér en það verður svo sannarlega spennandi að sjá.

Vefur vikunnar

Vefur vikunnar: Reisum.is

20. apríl 2015
by Dögg Matthíasdóttir

Nýr vefur Reisum.is byggingar- og vélaleigu er vefur vikunnar að þessu sinni.

Lestu meira um hvernig vefur Reisum.is var skipulagður og leitarvélabestaður. Það er mikilvægt að muna að jafnvel einföldustu vefir hafa sinn líftíma og verða að taka breytingum.

Nýi vefurinn er strax farinn að skila tilætluðum árangri og það er vissulega það sem skiptir mestu máli.

Með þökkum fyrir samstarfið, óskum við forsvarsmönnum Reisum.is til hamingju með nýja vefinn.

„Vits er þörf þeim er víða ratar“. - Úr Hávamálum