Google Adwords árangur

október 19, 2016október 19, 2016
by Dögg Matthíasdóttir

Í haust er árangur auglýsinga í Google Adwords búinn að vera mér hugleikinn. Allur undirbúningur við auglýsingar á leitarvélum skiptir máli, ákveða leitarorðin sem þú vilt að auglýsingin þín finnist eftir, skrifa auglýsinguna með leitarorðin í huga og skipuleggja fjárhagsáætlun, hvað ertu tilbúin/nn til að borga fyrir auglýsingarnar. Svo þarf að hafa í huga að þú náir til markhópsins sem þú óskar, með stillingum á staðsetningu og tungumálum. Allt klárt og auglýsingaherferðin er sett í gang. En hvernig eru auglýsingarnar að standa sig?

Markmið auglýsingaherferða á leitarvélum geta verið mismunandi en algengast er að þú borgir þegar smellt er á auglýsinguna (e. PPC eða Pay Per Click). Viðbrögðin eru svo smellihlutfall (e. Clickthrough Rate), viðskiptahlutfall (e. Conversion Rate) og meðalkostnaður á hvern smell. Þannig fást upplýsingar um þann árangur sem við viljum ná.

Samanburður við aðra í sömu grein er líka mikilvægur mælikvarði, þú vilt ekki vera að borga meira en þú þarft í samkeppnisumhverfinu. Og að sjálfsögðu viltu að hlutföllin þín séu betri en samkeppnisaðilanna.

Áhugaverð grein er hér: Google AdWords average conversion rates by industry [study]

Ef við tökum ferðaþjónustu sem dæmi þá var meðal viðskiptahlutfall (e. Average Conversion Rate) 2,57% í leitarorðaherferðum en lækkar í 0,53% þegar Display Network auglýsingar eru skoðaðar.

Vefur vikunnar

Markaðssetning á samfélagsmiðlum

janúar 20, 2016
by Dögg Matthíasdóttir

Þessa dagana er ég að vinna að frábæru verkefni, markaðssetningu á samfélagsmiðlum fyrir átakið Fordómalaus. Fyrir átakið var valið að vera á Youtube annars vegar og Facebook hins vegar, enda samræmdist það markmiðum verkefnisins. Viðtökurnar hafa verið framar björtustu vonum það sem af er og við vonum svo sannarlega að það verði framhald á því.

Fyrir þá sem eru að hugsa um markaðssetningu á samfélagsmiðlum, eru nokkur atriði sem vert er að hafa í huga áður en haldið er af stað.

Á hvaða samfélagsmiðlum á ég að vera?
Á hvaða samfélagsmiðlum á ég ekki að vera?
Hver er markhópurinn?
Hvaða skilaboð er ég að senda?
Hvernig samskipti vil ég eiga við viðskiptavini mína?

Til frekara skrafs og ráðagerða er þér velkomið að hafa samband við dew@webdew.is.

Vefur vikunnar

Þjónustuskoðun Sjávarklasans

ágúst 11, 2015
by Dögg Matthíasdóttir

Ein þeirra þjónustuleiða sem í boði eru kallast þjónustuskoðun. Þetta er ekkert ósvipað því að fara með bílinn sinn í skoðun einu sinni á ári, við viljum vera viss að öll ljós kvikni þegar þau eiga að gera það svo aðrir sjái okkur í umferðinni. Við viljum að bremsur og önnur öryggistæki virki sem skildi og það gildi sömu lögmál um vefinn þinn.

Undir Verkefnin er að finna tilvitnun í Evu Rún Michelsen, framkvæmdastjóra Húss Sjávarklasans um hvernig til tókst. Eða lestu nánar um þjónustuskoðun Sjávarklasans.

Komdu með vefinn þinn í þjónustuskoðun, smelltu til að panta.

Vefur vikunnar

Vefur mánaðarins: Lóðasláttur

júlí 15, 2015
by Dögg Matthíasdóttir

Vefur júlímánaðar er nýr vefur Lóðasláttar.

Lóðasláttur er rótgróið fjölskyldufyrirtæki sem valdi það að vera í fastri áskrift að vefstjóra til leigu. Eftir að flottur nýr vefur var sjósettur var ráðist í markaðssetningu á netinu til að fylgja honum úr hlaði.

Árangurinn lætur ekki á sér standa, fleiri fyrirspurnir berast í gegnum vefinn og fleiri símtöl, svo eigendurnir eru ánægðir með að fá fjárfestinguna sína fljótt til baka.

Skoðaðu:

Vefur vikunnar

Topp 10 listinn

desember 29, 2014
by Dögg Matthíasdóttir

Í lok árs eru yfirleitt birtir Topp 10 listar yfir alla mögulega hluti: 10 bestu kjólarnir á rauða dreglinum, 10 verstu kjólarnir á rauða dreglinum, Topp 10 þú veist hvað ég er að meina.

Sá Topp 10 listi sem mig langar að benda á í ár, er eitthvað sem ég skoða reglulega yfir árið. Þegar kemur að því að velja úr þeim hafsjó af lausnum sem eru í boði á netinu, fyrir vefumsjón eða fyrir markaðssetningu á netinu, þá getur verið mjög gott að byrja á því að skoða hvað aðrir eru að nota. Og bera saman.

Hvaða þætti þarf að hugsa út í að viðkomandi lausn uppfylli? Er verið að leita að fríum lausnum eða má lausnin kosta einhverjar krónur? Eru til lausnir sem bjóða upp á mánaðarlega áskrift? Er þá bæði auðvelt að byrja og hætta að nota lausnina og færa sig yfir í aðrar lausnir sem bjóða þá betur? Tækniþróunin er ör þessi misserin og maður á að nýta sér alla aðstoð annara sem möguleg er.

Vefur vikunnar að þessu sinni er því Top Ten Reviews. Tökum dæmi. Þú ætlar á nýja árinu að senda viðskiptavinum þínum fréttabréf í tölvupósti, nokkrum sinnum yfir árið. Þú ert með netföng hjá nokkrum þeirra, en ætlar í átak til að gera betur. Þú getur kannski spurt þá sem þú ert í viðskiptum við, hvaða lausnir þeir eru að nota, en líklega færðu jafn mörg svör og þá sem þú spyrð.

Þá myndi ég byrja á að skoða Topp 10 lista yfir að senda tölvupósta. Vonandi eru þær lausnir sem þú hefur heyrt nefndar á listanum og ef ekki, þá er þér alltaf velkomið að hafa samband og fá ráðgjöf.

Bestu þakkir fyrir árið sem er að líða og gangi þér vel í allri þinni markaðssetningu á næsta ári.

Vefur vikunnar

Greining Google: Google Analytics

nóvember 10, 2014
by Dögg Matthíasdóttir

Veist þú hverjir eru að koma á vefinn þinn og hvað þeir eru að gera þar?

Að mínu mati er það að setja upp vef án þess að setja upp Google Analytics eins og að opna verslun og snúa sér svo undan og vilja ekki tala við viðskiptavinina.

Vikulegar heimsóknir

Sem kaupandi auglýsinga á netinu, vil ég að vefurinn/ miðillinn sem vill selja mér auglýsingu geti að minnsta kosti sagt mér hversu margar heimsóknir á viku, mánuði eða ári hann er að fá. En ég hef tilsvör um að þessar upplýsingar liggi ekki fyrir. Því miður, þá kaupi ég ekki auglýsingu af þér, nei takk.

Vikulegar heimsóknir segja margt, en alls ekki allt. Það að skoða gögnin sem þú færð aðgang að, í réttu samhengi og í samanburði er lykilatriði. Koma jafnvel fleiri á vefinn en í verslunina til þín? En þú selur ekki í gegnum vefinn, birtir e.t.v. ekki verð.

Hvernig komu þau inn á vefinn? Beint á forsíðuna? Eða inn á vörusíðu, af því að þau fengu hana upp í leitarniðurstöðum þegar þau „gúggluðu“? Eða var einhver vinur þeirra að versla við þig og deildi hlekknum á samfélagsmiðli? Var það ánægður eða óánægður viðskiptavinur? Toppar í tölfræði heimsókna koma ekkert endilega til af góðu.

Ef þú ert að selja vörur, þá þarftu að vita hvar í kaupferlinu kaupendurnir hætta við, voru þeir búnir að setja vörur í körfuna sína og fóru svo?

Góðann daginn, hvað kostar hjá þér…?

Bara það að vita hvað eru algengustu verkefnin sem viðskiptavinurinn vill leysa á vefnum þínum, er eins og að eiga samtal við þá. Greiningartól Google, getur líka gefið þér vísbendingar um það ef netnotandinn finnur ekki á vefnum þínum það sem hann leitar að.

Eitt algengasta verkefni á vefjum, sem viðskiptavinurinn vill leysa er spurningin um verð. Netnotendur byrja oft á verðsamanburði milli söluaðila, áður en kaupákvörðun er tekin. Þess vegna er alveg ótrúlegt að margir vefeigendur gera sér ekki grein fyrir þessu, og vilja ekki birta verð á vef sínum. „Hann hringir bara“ og „Það er svo mikið vesen að vera alltaf að uppfæra verðið“ eru líklega algengar skýringar.

Það að birta verð vöru á vef, getur jafnvel gefið þér samkeppnisforskot.

Tíma vel varið

Sá tími sem þú ert tilbúinn til að setja í það að nýta þér greiningartól Google er tími sem er vel varið. Ég er ekki að segja að þú eigir að setjast niður með popp og kók og horfa á heimsóknir viðskiptavina í rauntíma eins og bíómynd (sem er vissulega hægt).

Þú þarft að finna rétta samhengið fyrir þín viðskipti. Þess vegna er líka kjörið að fylgjast með bloggi Google Analytics. Og ef þú hefur ekki tíma eða vilt bara aðstoð við að stíga fyrstu skrefin í notkun GA, þá er velkomið að hafa samband, vefstjóri til leigu veitir þér sérþekkingu ef þig skortir hana.

Og var ég búin að minnast á að þetta er frítt?

Vefur vikunnar

Instagram og #þitteigiðhashtag

nóvember 4, 2014
by Dögg Matthíasdóttir

Samfélagsmiðillinn Instagram

Einhver sagði einhvern tímann að Instagram væri eins og Twitter fyrir lesblinda. Ég kann betur við skýringuna að ein mynd segir oft meira en þúsund orð.

Instagram er samfélagsmiðill, þar sem þú getur deilt myndum og myndböndum með þeim sem fylgjast með þér (e. Followers). Einnig er hægt að senda, gegnum forritið, myndir og myndbönd til einstakra notenda. Rétt eins og SMS á spjallsímum.

Notkunin þar getur gert mann alveg rosalega svangan, því það er mikið um myndir af mat. En eins og aðrir samfélagsmiðlar þá er Instagram líka leið til þess að halda sambandi við fólk, yfir höf og lönd.

Og þarna sé ég líka barnamyndir af frændfólki mínu, sem ég hitti annars eiginlega bara þegar við erum fyrir norðan í jólafríum og sumarfríum. Nú þarf ég ekki lengur að fara í kaffi, ég er búin að gera <3 á myndirnar af barninu þegar það stóð upp og búin að sjá fyrir og eftir myndirnar af framkvæmdunum á baðherberginu. Ætti nú samt að fara að drífa mig í kaffi, þetta gengur ekki.

#Þitteigiðhashtag

#Hashtög hafa verið notuð síðan á IRC-inu 1988 svo þau eru ekki nýtilkomin. Þá, eins og nú, eru þau notuð til þess að draga efni í dilka, eða flokka, nokkurs konar samnefnari.

Hashtögin eru notuð á samfélagsmiðlum þannig að þeir sem hafa áhuga á því að taka þátt í umræðu um ákveðið málefni, geta fylgt þeim þræði. Dæmi um þetta eru og #12stig á Twitter. Þar leyfa Íslendingar sér að vera kaldhæðnir og ég verð að viðurkenna að þetta eykur skemmtanagildi Eurovision töluvert. Aðrir virðast vera sammála, þar sem fjöldi íslenskra notenda bætist við á Twitter í maí ár hvert.

Ég byrjaði nýlega að nota #dewice til viðbótar við instagram.com/dewiceland, fyrst og fremst til þess að styrkja vörumerkið, það er mjög mikilvægt að þú eigir sjálfur þín eigin orð / vörumerki í #hashtag útgáfu.

Nafna mín í Tælandi, hefur líka verið að nota #dewice, en hún er eigandi Wake Cup Coffee en ég hefði ekki hugmynd um tilvist hennar og hennar fyrirtækis nema fyrir sama hashtagið á Instagram. Þetta gerir lífið skemmtilegt, og heiminn lítinn.

En þetta undirstrikar mikilvægi þess að þitt vörumerki / fyrirtæki velji rétt #hashtag til að nota, og ég legg sérstaka áherslu á að eiga sín eigin orð.

Notkun #hashtag

Það eru fjölbreyttir notkunarmöguleikar fólgnir í notkun #hashtag.

Dæmi er að nota síðustu myndina sem þú póstaðir á Instagram, eins og ég nota í hægri valmynd þessa vefs.

Ef þú vilt fá notendur / gesti til að nota ákveðið #hashtag, þá þarftu líka að vera tilbúin til þess að horfast í augu við það að það verða ekki endilega allar myndirnar að þínu skapi. En þá þýðir ekkert að fara í fýlu, þá og einmitt þá, er áskorunin að bregðast við og það er það sem markaðssetning á netinu snýst svo oft um.

En mynd getur svo sannarlega sagt meira en þúsund orð.

Two Hearts - Finnbow — Two Hearts – ©Finnbow

Vefur vikunnar

Pinterest, sofandi risi?

október 27, 2014
by Dögg Matthíasdóttir

Vefur vikunnar er vaxandi samfélagsmiðill, Pinterest.

Pinterest, fyrir þá sem ekki vita, er nokkurs konar minnistafla eða korkur þar sem þú getur „hengt“ myndir til minnis um hitt og þetta og allt milli himins og jarðar. Nafnið er samsett úr Pin (teiknibóla) og Interest (hugðarefni).

Virknin að bókamerkja síður hefur verið þekkt frá fyrstu vöfrum og margir netnotendur nota flýtileiðir bókamerkja (e. bookmarks) mikið. Pinterest hefur búið til þessa virkni á vef, sem þú hefur aðgang að á netinu, óháð því hvaða tæki þú ert að nota, tölvuna, snjallsímann, þá geturðu alltaf gripið í þetta „Hvar var nú aftur….“

Leyndarmál Pinterest

Þú gerist eltihrellir vina þinna til þess að fylgjast með því hvað það er sem þeir hafa áhuga á. Til þess að missa ekki yfirsýn, þá búum við sjálf til flokkana okkar, eigum nokkrar töflur (e. board) til þess að hengja á.

Fyrir konu í fæðingarorlofi, bara með aðra hendina lausa á snjallsímann er bæði hægt að skipuleggja brúðkaup og skírn. Og fá fullt að hugmyndum um jólaskreytingar, uppskriftir. En Pinterest er ekki lengur bara fyrir konur, á síðustu mánuðum eru fleiri og fleiri karlkyns notendur búnir að tileinka sér þessa þægilegu, myndrænu „til minnis töflu“. Að það er hægt að hafa töflurnar leyndarmál (e. secret) svo að vinir þínir þurfa ekkert að vita hvað þú ert að bralla.

Samfélagsmiðillinn Pinterest

Í markaðssetningu á netinu, hefur Pinterest verið kallað sofandi risi og með nýlegum breytingum virðist hann vera að vakna. Persónulega man ég þá tíð að hugsunin fór í gegn hjá mér: „Get ég ekki hengt þetta á vegginn hjá Ellu?“ en það var áður en hægt var að senda Pin til vina sinna. Nú er hægt að eiga samskipti, um hverja mynd fyrir sig.

Dæmi: Ég sé þessa fínu mynd af heklaðri barnahúfu. Ég veit að ég get heklað til að bjarga lífi mínu, en systir mín er fljótari að því (og gerir það betur). Ég get núna sent henni myndina, með skilaboðum um að ég myndi þiggja svona að gjöf handa dóttur minni.

Pinterest í netmarkaðsetningu

Pinterest er sterkur miðill í netmarkaðssetningu, þú getur sjálfur hlaðið upp þínum eigin myndum og sett slóðir á þær. Ég hef notað Pinterest fyrir dewice vörumerkið mitt. Því mæli ég með því að þú bætir við „pin on Pinterest“ til þess að auðvelda viðskiptavinum þínum að muna eftir þér og eiga samskipti við þig.

Galdurinn við Pinterest er að fallegt myndefni festist vel í minni, það á jafnt við um girnilegar uppskriftir og vörur eða þjónustu sem þú vilt koma á framfæri. Notaðu bara góðar myndir!

já, á Pinterest eru alltaf jólin.

Vikulegar heimsóknir

Góðann daginn, hvað kostar hjá þér…?

Tíma vel varið

Samfélagsmiðillinn Instagram

#Þitteigiðhashtag

Notkun #hashtag

Leyndarmál Pinterest

Samfélagsmiðillinn Pinterest

Pinterest í netmarkaðsetningu

„Vits er þörf þeim er víða ratar“. - Úr Hávamálum